2026-njy ýylyň 9-njy maýyndan 10-njy maýyna geçilýän gije (Aşgabat wagty bilen 10-njy maý) ABŞ-nyň Nýuark şäherindäki «Prudenşl Sentr» arenasynda UFC 328 ýaryşy bolar. Onuň esasy wakasynda orta agram derejesinde çempion Hamzat Çimaýew öz guşagynyň ilkinji goragyny geçirer.
Ýeňilmezek söweşiji titulyň öňki eýesi Şon Striklende garşy urşar. Ikinji esasy tutluşykda iň ýeňil agramda çempion Joşua Wan ýaponiýaly dalaşgär Tatsuro Tairanyň garşysyna guşagyny gorar.
Ýaryşyň esasy kardynyň 10-njy maýda Aşgabat wagty bilen irden sagat 06:00-da, esasy söweşiň sagat 08:00-da başlamagyna garaşylýar.
Ýaryşy dolulygyna UFC Fight Pass platformasy arkaly görüp bolar. Şeýle hem, «Матч ТВ» we «Матч! Боец» teleýaýlymlary söweşleri göni ýaýlymda görkezer. UFC 328 ýaryşy matchtv.ru we sportbox.ru saýtlarynda hem elýeterli bolar.
Özüniň soňky söweşinde Hamzat Çimaýew geçen ýylyň awgustynda Drikus Dýu Plessi bilen duşuşdy we ony emin agzalarynyň biragyzdan gelen netijesi bilen ýeňip, guşagy eýeledi. Şon Striklend bolsa soňky gezek Entoni Ernandesden üstün çykdy.
