FIFA-nyň prezidenti Janni Infantino 2027-nji ýylda geçiriljek saýlawlarda guramanyň ýolbaşçylygyna öz dalaşgärligini gaýtadan hödürlemek isleýändigini resmi taýdan mälim etdi. 56 ýaşly futbol işewüri bu baradaky beýanatyny Kanadanyň Wankuwer şäherinde geçen FIFA-nyň Kongresinde eden çykyşynda aýtdy.
Infantino 2016-njy ýyldan bäri FIFA-a ýolbaşçylyk edip gelýär. Ol 2019-njy we 2023-nji ýyllardaky saýlawlarda ýeke-täk dalaşgär bolupdy. Häzirki wagtda onuň dalaşgärligini Aziýanyň, Afrikanyň we Günorta Amerikanyň futbol konfederasiýalary goldaýarlar. Bu bolsa gurama agza bolan 211 sany milli federasiýanyň 110-synyň goldawyny aňladýar.
Infantino öz işiniň çäginde 2026-njy ýyldaky Dünýä çempionatyna gatnaşjak 48 topar üçin pul baýraklarynyň möçberini ýene 2 million dollar artdyrdy. Mundan başga-da, ol FIFA agza bolan federasiýalaryň arasynda 2,7 milliard dollar paýlamagy söz berdi.
Guramanyň prezidentligine saýlawlar 2027-nji ýylyň 18-nji martynda Marokkonyň paýtagty Rabat şäherinde geçiriler.
