Mars planetasynda uzak wagtlap ýaşamak ynsan anatomiýasyny düýpli üýtgeşmelere sezewar edip biler. Perm politehniki uniwersitetiniň dosenti, alym Wladislaw Nikitin hem bu hakynda özüniň ylmy çaklamalaryny öňe sürýär.
Hünärmeniň belleýşine görä, pes grawitasiýa (agyrlyk güýji) we ýokary radiasiýa şertleri sebäpli geljekki marslylaryň boýy 210–230 sm.e çenli ýeter. Pes agyrlyk güýji oňurga basyşyny-da azaldar, bu bolsa süňkleriň has uzalmagyna mümkinçilik berer. Emma bu ýagdaý süňk dokumasynyň dykyzlygyny 2–3 esse kemeldip, ystyhany örän gowşak edip biler.
Marsdaky ýygy-ýygydan bolup durýan tozanly tupanlardan goranmak üçin adamlarda üçünji gabagyň (goraýjy membrana) emele gelmegi mümkin. Burun ýollary kiçeler we olaryň içini hapadan goramak üçin gür tüýjagazlar (filtrler) bilen örtüler.
Pes grawitasiýa şertlerine uýgunlaşmak üçin ýürek we gan aýlanyş ulgamynda hem özgerişlikler bolar.
Alymlar ilkinji uçarmanly uçuşlaryň geljekki onlarça ýylyň dowamynda boljakdygyny belläp, häzirden bu uzak möhletli netijeleriň nähili boljakdygyny kesgitleýärler. Olaryň çaklaýan biologik uýgunlaşmasy, nesil çalşygyny (her 20–30 ýylda bir nesil) göz öňünde tutanyňda, ýüzlerçe ýyla uzap biler.
