«Çelsi» futbol klubunyň baş kompaniýasy bolan BlueCo 22 2025-nji ýylyň 30-njy iýunynda tamamlanan maliýe ýylynyň netijeleri boýunça 630 million funt sterling möçberinde zyýan çekendigini hasaba aldy.
Todd Bouliniň ýolbaşçylygyndaky konsorsium 2022-nji ýylda kluby rus işewüri Roman Abramowiçden 4,25 milliard funt sterlinge satyn alypdy. Hünärmen Kiran Maguaýryň berýän maglumatlaryna görä, topar satyn alnan pursatyndan bäri jemi 1,6 milliard funt sterlingden gowrak ýitgi çekdi — bu bolsa hepdede, takmynan, 10,4 million funt-sterling diýmekdir.
Şertnamadan soňra holding köp klubly modeli ösdürip başlady we 2023-nji ýylda Fransiýanyň «Strasbur» klubuny satyn aldy.
«Çelsiniň» özi hem 262,4 million funt sterling möçberinde uly ýitgi görkezdi, bu bolsa iňlis Premýer-ligasy üçin rekord görkezijidir. Şol bir wagtda klubuň girdejileri 490,9 million funt sterlinge ýetip, taryhyndaky ikinji iň gowy netije boldy. Bu bolsa çempionatdaky üstünlikli çykyşlar we halkara ýaryşlardaky ýeňişler bilen baglanyşyklydyr.
Ýitgilere garamazdan, klub rugsat berilýän düzedişleriň hasabyna APL-iň maliýe düzgünlerini berjaý edýär.
2025-nji ýylyň iýulynda «Çelsi» UEFA tarapyndan 17,3 million funt sterling möçberinde jerime tölemeli edildi, eger-de talaplar ýerine ýetirilmese, goşmaça jerimäniň hem bellenilmegi mümkindir.
