Parižde «Pikassonyň 1 suraty 100 ýewrodan» atly özboluşly haýyr-sahawat çäresi başlady. Euronews-iň habaryna görä, çärä gatnaşýan islendik adam Pablo Pikassonyň eseriniň asyl nusgasyny 100 ýewro bahadan alyp biler.
Guraýyjylar 120,000 bilet satmagy meýilleşdirýärler. Ondan alnan girdeji Altsgeýmer keselini öwrenmek üçin sarp ediler.
Bu ýylky baş baýrak suratkeşiň 1941-nji ýylda döreden kagyza guaş bilen çekilen «Aýalyň kellesi» («Tête de Femme») suratydyr. Surat 14-nji aprel, sişenbe güni agşam çekiljek «Christie's» auksion öýünde görkeziler.
Eger ähli biletler satylsa, girdeji 12 million ýewro ýetmeli. Bu möçberden 1 million ýewro surat üçin Opera galereýasyna tölener, galany bolsa Altsgeýmer keselini öwrenmek gaznasyna geçiriler.
Lotereýa oýnamagyň bu görnüşi öň özüniň üstünlikli netijesini görkezdi. Olardan 2013-nji ýylda geçen oýunda Pensilwaniýadan gelen ýönekeý işçä «Opera şlýapaly adam» suraty, 2020-nji ýylda bolsa italýan hasapçysyna natýurmort nesip etdi.
Öňki suratlaryň birini sowgat beren kolleksiýaçy Dawid Nahmadyň aýtmagyna görä, Pikassonyň özi-de bu pikiri goldardy. Sebäbi suratkeş döreden eserleriniň diňe tüçjar baýlara däl, eýsem jemgyýetçiligiň beýleki gatlaklaryna-da elýeterli bolmagyny isleýärdi.
