«Liwerpul» futbol kluby goragçy Endrýu Robertsonyň şu möwsümiň ahyrynda topardan gitjekdigini habar berdi.
Mersisaýdlylaryň resmi saýtynda berilýän maglumata görä, Şotlandiýanyň milli ýygyndysynyň kapitany şu tomus şertnamasynyň möhleti tamamlanandan soň, «Liwerpuldaky» çykyşlaryny tamamlar.
Robertson klubuň düzüminde dokuz möwsüm oýnap, 373 oýunda meýdança çykdy.
«“Enfildde” örän şowly geçen dokuz möwsümden soň, Şotlandiýanyň milli ýygyndysynyň kapitany şu tomus şertnamasynyň möhleti gutaranda klubdan gider» – diýlip, habarda bellenilýär.
Futbolçy 2017-nji ýylda «Hall Sitiden» «Liwerpula» geçipdi. Bu döwürde ol Premýer-liganyň iki çempionlygyny, Çempionlar ligasyny, Angliýanyň kubogyny, iki Liga kubogyny, şeýle hem klublaýyn dünýä çempionatyny, UEFA-nyň Superkubogyny we Angliýanyň Superkubogyny gazanmagy başardy.
Oýunçyny hormatlap ugratmak çäresiniň möwsüm tamamlanandan soň geçiriljekdigi nygtalýar.
«26-njy belgili oýunçy “gyzyllaryň” 2025/2026-njy ýyllaryň möwsümini mümkin boldugyça şowly tamamlamagyna kömek etmek üçin ähli ünsüni jemleýär» – diýlip, klubuň beýanatynda aýdylýar.
