«Memorial Maria Luisa Awards 2026» halkara bäsleşiginiň eminler topary ýeňijileri mälim etdi. Şu ýyl 36-njy gezek geçirilýän bu bäsleşik tebigat, daglar we başdan geçirmeler mowzugyndaky suratlara bagyşlandy.
Bäsleşige dünýäniň 78 ýurdundan 1 450 awtor tarapyndan jemi 18 059 sany fotosurat we 182 sany wideorolik hödürlendi. Geçirilen saýlawlaryň netijesinde, iň özüne çekiji we täsirli suratlar finala çykdy.
Baş baýrak we ýeňijiler:
GAÝDUWSYZLAR — Kristof Fişer (Kanada) / Absolýut ýeňiji
Gran-pri Fundación Cajastur: Baş baýraga kanadaly fotosuratçy Kristof Fişer özüniň «Gaýduwsyzlar» atly işi bilen mynasyp boldy. Suratda tozanly tupanyň içinde duran iki sany antiolopa şekillendirilýär. Fişer tebigatyň gözelligini, durnuklylygy we diri galmak ugrundaky göreşi bir pursata sygdyrmagy başarypdyr.
SOŇKY ŞÖHLELER — Lýuben Goden (Fransiýa) / «Ýaş fotosuratçylar» kategoriýasynda ýeňiji
«Ýaş fotosuratçylar» kategoriýasynda fransuz Lýuben Goden ýeňiji boldy. Onuň suratynda gaýanyň gyrasynda duran dag geçisi görkezilýär. Bu surat özüniň çuňňurlygy bilen kinematografik täsir galdyrýar.
Bäsleşikde dürli kategoriýalar boýunça ýeňijiler bilen bir hatarda, Hormat hatlaryna mynasyp bolan işler hem kesgitlendi. Bu çäre indi köp ýyllardan bäri ýabany tebigatyň üýtgeşik pursatlaryny dünýä ýaýmagy dowam edip gelýär.
UÇÝAN INŽENER — Bidýut Kalita (Hindistan) / Ýeňiji: Makrosurat
GÖK GÜRLÄNDE — Filip Hrebenda (Slowakiýa) / Ýeňiji: Dag peýzažlary
WÝETNAM — Huan Zas (Ispaniýa) / Ýeňiji: Ýylyň temasy — «Oba dünýäsi»
ÝEKELIKDE SERRO-TORRE DYRMAŞYP BARÝAN KOLIN HEÝLI — Taýler Lekki (ABŞ) / Ýeňiji: Alpinizm
ATAŞLY MYNAJAT — Azim Han Ronni (Fransiýa) / Ýeňiji: Dagdaky ynsan we/ýa-da Tebigat
AÝ ŞUGLASY — Imre Potýo (Wengriýa) / Ýeňiji: Bioköpdürlülik we geoköpdürlülik
AJAL PERIŞDESI — Endi Parkinson (Beýik Britaniýa) / Ýeňiji: Guşlar dünýäsi
GERIŞDÄKI SÖWEŞ — Diego Moreno Karbalýo (Ispaniýa)
ALPAMAÝO — Harri Lihtman (ABŞ)
BUZLAR BILEN ÄLEM ARALYGYNDA — Ramiro Torrents (Argentina)
TUMŞUKLARY ÝOKARY! — Mişel Walberg (Kanada)
ENE GUJAGYNDA — Dwir Barkaý (ABŞ)
GAÝADAKY ARWAH — Marko Gaýotti (Italiýa)
BATYRLYGYŇ GANATLARY — Kallol Mukerji (Hindistan)
ATA-ENE MYRADY — Tomas Widžaýan (Kanada)
GÜÝZ NAGYŞY — Stefano Çokketti (Italiýa)
AGYR ÝÜK — Noam Kortler (Ysraýyl)
REAKTIW HEREKET — Kristobal Serrano (Ispaniýa)
ZÄHERLENEN SURAT — George Popa (Rumyniýa)
LINZA ARASSALAÝJY — Sezar Sengupta (Hindistan)
TOKAÝ GUŞY — Andres Luis Dominges Blanko (Ispaniýa)
ARY ÖÝJÜGINIŇ SAKÇYLARY — Ritwed Girişkumar (BAE)
