2026-njy ýylda geçiriljek futbol boýunça dünýä çempionatynyň gatnaşyjylarynyň doly düzümi belli boldy. Goşmaça duşuşyklarynyň netijeleri boýunça ABŞ-da, Kanadada we Meksikada geçiriljek ýaryşa gitjek ähli ýygyndy toparlar kesgitlenildi.
Italiýanyň milli ýygyndysy ýene-de ýaryşyň final tapgyryna çykyp bilmedi. Italýan futbolçylary soňky gezek dünýä çempionatynda 2014-nji ýylda oýnapdylar.
24 ýyllap ýaryşa çykyp bilmän ýören Türkiýe bolsa mundiala gatnaşmak hukugyny gazandy. Soňky gezek türkler dünýä çempionatynda 2002-nji ýylda çykyş edip, şonda üçünji ýeri eýeläpdiler.
Ýewropanyň saýlama duşuşyklary arkaly ýaryşa iň soňky ýollanmalary şu toparlar aldy:
- Bosniýa we Gersegowina (Italiýany ýeňdi — 1:1, penalti boýunça 4:1)
- Çehiýa (Daniýany ýeňdi — 2:2, penalti boýunça 3:1)
- Şwesiýa (Polşany ýeňdi — 3:2)
- Türkiýe (Kosowony ýeňdi — 1:0)
Yklymarara utulan-çykdy oýunlarynda Kongo DR ýygyndysy Ýamaýkany 1:0 (goşmaça wagtda) hasabynda ýeňdi, Yragyň ýygyndysy bolsa Boliwiýanyň futbolçylaryny 2:1 hasabynda ýeňip, öýlerine ugratdy.
Çempionat taryhda ilkinji gezek giňeldilen formatda geçiriler: oýunlara 12 topara bölünen 48 ýygyndy gatnaşar.
Toparlaryň düzümi:
A topar: Meksika, GAR, Günorta Koreýa, Çehiýa
B topar: Kanada, Bosniýa we Gersegowina, Katar, Şweýsariýa
C topar: Braziliýa, Marokko, Gaiti, Şotlandiýa
D topar: ABŞ, Paragwaý, Awstraliýa, Türkiýe
E topar: Germaniýa, Kýurasao, Kot-d’Iwuar, Ekwador
F topar: Niderlandlar, Ýaponiýa, Şwesiýa, Tunis
G topar: Belgiýa, Müsür, Eýran, Täze Zelandiýa
H topar: Ispaniýa, Kabo-Werde, Saud Arabystany, Urugwaý
I topar: Fransiýa, Senegal, Yrak, Norwegiýa
J topar: Argentina, Alžir, Awstriýa, Iordaniýa
K topar: Portugaliýa, Kongo DR, Özbegistan, Kolumbiýa
L topar: Angliýa, Horwatiýa, Gana, Panama
