ABŞ-nyň Milli zenan taryhy muzeýi zenanlaryň taryhy barada gürrüň berýän we bu bilimleri okuwçylar hem-de giň köpçülik üçin elýeterli edýän mugallymlar üçin her ýyl gowşuryljak Meryl Streep Educator Award baýragynyň döredilendigini yglan etdi.
Bu başlangyç aktrisa Meril Stripiň pul bagyş etmegi netijesinde mümkin boldy. Berlen goldawyň möçberiniň ýedi belgili sandan ybaratdygy habar berilýär. Aktrisanyň aýtmagyna görä, diňe bir taryhy döretmek däl, eýsem ony geljekki nesillere geçirip, gorap saklamak hem möhümdir. Ol muzeýiň işini mundan beýläk-de goldamakçydygyny belledi.
Baýrak her ýyl gowşurylar. Ol bilim maksatnamalaryny işläp düzýän, sapaklary geçirýän we mekdeplerde hem-de jemgyýetçilikde zenanlaryň taryhy baradaky maglumatlara elýeterliligi giňeldýän mugallymlara berler.
Meryl Streep Educator Award baýragynyň ilkinji eýesini 2026-njy ýylyň noýabr aýynda geçiriljek «Women Making History Awards Gala» dabarasynda yglan etmek meýilleşdirilýär.
Milli zenan taryhy muzeýi 1996-njy ýylda döredildi. Ol zenanlaryň taryhdaky, medeniýetdäki we jemgyýetçilik durmuşyndaky ornuna bagyşlanan sergileri, bilim maksatnamalaryny we ylmy barlaglary geçirmek bilen meşgullanýar.
