Meşhur portugal futbolçysynyň ogly – kiçi Kriştianu Ronaldu Madridiň «Real» klubynyň akademiýasy bilen tälim beriş işlerini geçirdi we geljekde onuň klubyň hataryna geçmegi mümkin. Bu barada The Athletic neşiri habar berýär.
15 ýaşly Kriştianu häzirki wagtda 16 ýaşyna çenli bolan oýunçylaryň topary bilen meşgullanýar we kakasynyň 2023-nji ýyldan bäri çykyş edýän «Al-Nasr» klubynyň akademiýasynda oýnaýar.
Mundan ozal Kiçi Ronaldu «Mançester Ýunaýted» we «Ýuwentus» klublarynyň akademiýalarynda hem tälim alypdy. 2025-nji ýylyň maý aýynda ýaş futbolçy Portugaliýanyň 15 ýaşyna çenli ýygyndysyna çagyryldy we Horwatiýadaky ýaryşda ilkinji oýnuny görkezdi. Ol ýerde finalda dubl (iki gol) hasaba alyp, toparyna ýerli ýygyndyny ýeňmäge kömek etdi. Soňra ol 17 ýaşyna çenli bolan milli ýygyndynyň oýunlaryna hem çekildi.
Uly Kriştianu Ronaldu dürli ýyllarda «Sporting», «Mançester Ýunaýted», «Ýuwentus» we «Real» klublarynda çykyş edipdi. Ol Madrid klubynyň düzüminde 438 oýunda 450 gol urup, onuň taryhyndaky iň oňat bombardir bolmagy başarypdy.
