Toyota kompaniýasy Tundra pikapynyň täze, has ekstremal görnüşini taýýarlaýar. Ol TRD Hammer diýlip atlandyrylar. Bu barada ABŞ-nyň Patent we söwda belgileri edarasynyň maglumatlaryna salgylanýan The Drive neşiri habar berdi.
Modeliň çykaryljak senesi heniz belli edilmedi.
Neşiriň öz çeşmeleri ýylyň başynda Toyota-nyň Amerikadaky bölüminiň müşderilerinden täze model üçin at saýlamagy sorap, olaryň arasynda pikirsoraşma geçirendigini habar berýär. Teklip edilen görnüşleriň arasynda TRD Baja, TRD Quake we TRD Iron bar. Modeliň düşündirişinde uzak ýolda hereket edýän asma ulgamy, 37 dýuýmlyk tekerleri, ýerden beýikligi ýokarlandyrylan we ýolsuz ýerlerde ulanmak üçin niýetlenen güýçli hereketlendirijisi bolan pikap ýük awtoulagy beýan edilýär.
Täze Tundranyň Ford F-150 Raptor bilen bäsleşmegine garaşylýar. Çeşmeler modeliň hakykatdanam işlenip düzülýändigini we has uly wnedorožnik şinalaryna eýe boljakdygyny tassyklaýarlar, ýöne onuň tehniki häsiýetnamalary heniz mälim edilmedi.
Pikap işlenip düzülende ýolsuz ýerlerde ýaryşmakda ulanylýan çözgütleri, mysal üçin, Mint 400-i öz içine alyp biler. Täze modeliň ady ABŞ-da meşhur bolan King of the Hammers bäsleşigi bilen hem baglanyşykly bolup biler.
“Toyota” kompaniýasy “Land Cruiser FJ”-iň täze görnüşini hem göz öňünde tutýar. Häzirki wagtda bu model benzinli hereketlendiriji bilen enjamlaşdyrylan, ýöne geljekde Hilux-dan dizel hereketlendirijisini alyp biler.
