Hindi ummanyndaky fransuz adasy Reýunýonda dünýäniň iň güýçli wulkanlarynyň biri — Piton-de-la-Furnez oýandy. Bu tebigy hadysa barada Shot Telegram-kanaly habar berýär.
Paýlaşylan wideoşekillerde lawanyň äpet çogdumyny we kilometrlere uzaýan gyzgyn akymlaryny görmek bolýar.
Gyzgyn lawa akymlary uly awtomobil ýolunyň üstünden geçip, trassany böwetledi we ulag gatnawyny doly togtatdy.
Eger-de lawanyň ýokary tizlikli hereketi ýakyn wagtda togtamasa, onuň ummanyň kenaryna çenli baryp ýetmegine garaşylýar. Şeýleikde bu ýagdaý soňky 20 ýylyň içinde görülmedik seýrek waka bolar.
Piton-de-la-Furnez planetamyzyň iň howply we işjeň wulkanlarynyň biri hasaplanylýar. Ol häzir birnäçe ýyllyk dymyşlykdan soň, güýçli depginde oýanyp, öz ýolundaky ähli zady ýok edip başlady.
Şol bir wagtda Russiýanyň Kamçatka ýarym adasyndaky iň uly wulkanlaryň biri bolan Şiweluç hem öz güýjüni görkezdi. Wulkanyň deňiz derejesinden 8 kilometr belentlige pürken külüniň uzynlygy gündogarlygyna 10 kilometre ýetdi.
