Venuum týuning kompaniýasy Rolls-Royce Cullinan krossoweriniň üýtgeşik görnüşi bilen tanyşdyrdy. Black Cullinan Venuum Tyrannus diýlip atlandyrylan bu taslama diýseň giňeldilen kuzowy bilen tapawutlanýar.
Awtoulagyň esasy aýratynlygy onuň haýbatly widebody toplumydyr. Krossower giňeldilen tigir arkalaryny, ägirt uly ganatlary, täze gapdal etekleri we täzeden işlenen öň bamperi aldy. Şeýle hem, onda şemalladyjyly kapot, köp sanly ganatly uly arka diffuzory we has uly üçek spoýleri bar. Ýükdanyň gapagyndaky goşmaça "ördek guýrugy" awtoulagyň sport keşbini has-da güýçlendirýär.
Model ýalpyldawuk gara reňke boýalan we kamuflýažy ýatladýan bezeg elementleri bilen bezelen. Uly, köp çişli, giňeldilen teker arkalaryny dolduryp diýen ýaly duran teker diskalary oturdyldy. Daşyndan çen tutsaň, podweskasy biraz aşak düşürilip, bu bolsa awtoulaga has haýbatly görnüş berýär.
Rolls-Royce Cullinan awtoulagynyň kapotynyň aşagynda 6,75 litrlik iki turbinaly V12 hereketlendirijisi ýerleşýär. Standart wersiýada ol 571 at güýjüni, Black Badge wersiýasynda bolsa 600 at güýjüni we 900 Nm çekijiligi öndürýär.
Týuning kompaniýasy heniz hereketlendirijiniň güýjüniň üýtgedilip-üýtgedilmändigini yglan etmedi, şonuň üçin esasy üns daşky dizaýna gönükdirilýär.
