«Ýagşy ýetsin myrada, ýaman galsyn uýada, olam galyp näm boljak, olam ýetsin myrada». Halk ertekileriniň käbirleriniň soňundaky bu jümleler köplere tanyş bolsa gerek. Ine-de, köpler üçin erteki bolup görnen, ýöne, ertekileri hakykata öwren Mega ýaryş tamamlandy. Ýok! Beýle diýilse gutarnykly tamamlanandyr diýip düşünäýmäň. Ýaryşyň ýaňy 1-nji tapgyry jemlendi. Ol heniz hemme zat öňde diýmegi aňladýar. Bu ýaňy bir başlangyçdyr.
Biz Türkmenistanda ilkinji gysga wideo akym platformasy bolan TMBIZ sanly gurşawyndaky ýaryş barada ozal hem habar beripdik.
Wideolar hyýaldaky şekillere jan berýän bolsa, TMBIZ hyýallary hem-de arzuwlary hakykata öwürýär. Tutuş 1 aýdan gowrak halallyk, päk ynsaplylyk, ruhubelentlik bilen dowam eden ýaryşda ýeňiş gazanyp, degişli baýrakly orunlara mynasyp bolan ýeňijilere sowgatlary gowşurmak dabarasyna gatnaşanlar hem muny tassykladylar.
Türkmen programmistleri tarapyndan işlenip düzülen milli onlaýn gysga wideo akym platformasy TMBIZ biznes ideýalaryň emele gelýän, ösüş gazanýan we trende öwrülýän ýeridir. Bu ýerde her bir telekeçi we hünärmen öz başarnygyny görkezmäge mümkinçilik alýar. Önüm öndürijiler, işewürler we biznesiň dürli gatlaklarynyň wekilleri öz harytlaryny ýa-da hyzmatlaryny gysga wideo akymlaryň üsti bilen düşündirip, görkezýärler.
Indi diňe bir biznes teklipleri hem däl! Mundan başga-da, adamlar:
- wagtlaryny has täsirli geçirmekleri,
- wideo görüp, dynç almaklary,
- gyzyklanmalaryna görä wideo mazmunlara tomaşa etmekleri
üçin ýokary tizlikli we hiç bir päsgelçiliksiz has aňsat girmek mümkinçiline eýe edýän TMBIZ-den peýdalanyp başladylar.
Netijede, TMBIZ häzirki zaman talaplaryna laýyk gelýän, ynam döredýän we taraplar üçin amatly sanly platforma hökmünde öňe çykýar. Bu platforma biznes mümkinçilikleri açyp görkezýän, ösüşe itergi berýän netijeli çözgütdir.
Öz işiňizi giň köpçülige tanatmak, hyzmatyňyzy ýa-da önümiňizi açyk görkezmek, döredijiligiňize ünsi çekmek, sungatyňyzy äşgär etmek we sanly döwürde ynam gazanmak isleýän bolsaňyz, TMBIZ size täze mümkinçilikleriň gapysyny açýar. Siz hem bu sanly giňişlikden peýdalanyp, ösüş ýoluna gadam basyň we bazardaky emele gelýän täze mümkinçiliklerden peýdalanyň!
TMBIZ ykjam goşundysyny şu salgylara basyp, ýükläp bolýar:
- Google Play we App Store
- Saýt: tmbiz.info
