Telefon belgileriniň balansyny doldurmak we dürli hyzmatlar üçin tölegleri amala aşyrmak üçin niýetlenen TMCell Töleg ykjam goşundysynda täze mümkinçilikler peýda boldy.
Indi ulanyjylar diňe bir öz belgileriniň däl, eýsem ýakynlarynyň hem hasabynda näçe pul galandygyny görüp bilerler. Bu bolsa islän wagtyň olaryň hasabyny sanlyja sekuntda doldurmak mümkinçiligini döredýär.
Programma tölegleriň ýönekeýligine we tizligine aýratyn üns berýär. Bu ulgam arkaly aşakdaky hyzmatlar üçin tölegleri amala aşyryp bilersiňiz:
- Altyn Asyr öýjükli aragatnaşyk hyzmatlary;
- Wi-Fi internet hyzmatlary;
- IPTV;
- Belet film onlaýn kinoteatry;
- Älem TV teleýaýlym operatory
- Agyz suwy we jemagat hojalygy hyzmatlary.
Tölegler Türkmenistanyň islendik bankynyň bank kartlary arkaly kabul edilýär.
Ulanyjylara goşmaça amatlylyk döretmek maksady bilen, TMCell Töleg her aýyň ahyrynda, hasabyňyzda ýeterlik serişde ýok bolsa, internet tölegini girizmek barada ýatladyp, awtomatik habarnama iberýär.
Töleg ykjam goşundysyny Google Play we App Store dükanlaryndan ýükläp alyp bilersiňiz.
