«Barselonanyň» häzirki prezidenti Žoan Laporta we müdirler geňeşiniň birnäçe agzasy 15-nji martda geçiriljek saýlawlara öz dalaşgärliklerini hödürlemek üçin wezipelerinden çekildi. Bu barada klubuň resmi saýtynda habar berilýär.
Çözgüt duşenbe güni geçirilen «Barselonanyň» müdirler geňeşiniň nobatdaky mejlisinde kabul edildi. «Barselonanyň» düzgünnamasyna laýyklykda, şeýle hereket Laportanyň saýlaw kampaniýasyna gatnaşmagy üçin zerurdyr.
Işden çekilenleriň arasynda wise-prezidentler Ýelena Fort we Rafael Eskudero hem bar. Müdirler geňeşiniň täzelenen düzümi wezipe borçlaryny 30-njy iýuna çenli ýerine ýetirmegini dowam eder.
Geçen ýylyň dekabr aýynda Laporta «Barselonanyň» prezidentligine üçünji möhlete dalaş etmejekdigini aýdypdy, ýöne soň gelen netijesini üýtgetdi.
Laporta 63 ýaşynda. Ol 2003-2010-njy ýyllar aralygynda «Barselona» ýolbaşçylyk etdi we 2021-nji ýylda gaýtadan klubuň prezidenti wezipesine saýlandy. Onuň ýolbaşçylygynda «Barselona» futbol topary alty gezek Ispaniýanyň çempiony boldy, üç gezek ýurduň Kubogyny we alty gezek Superkubogyny gazandy. Şeýle hem, topar iki gezek UEFA-nyň Çempionlar ligasynyň, bir gezek UEFA-nyň Superkubogynyň we bir gezek Klublaýyn dünýä çempionatynyň ýeňijisi boldy.
«Barselonanyň» prezidenti Žoan Laporta wezipesinden çekildi
- 10.02.2026 18:19
- 5.6k+
