4-nji fewrala geçilýän gije Dubaýda (BAE) PFL ligasynyň ýeňil agramdaky häzirki çempiony Usman Nurmagomedow bilen çempionlyk guşagyna dalaşgär iňlis pälwany Alfi Dewisiň arasyndaky duşuşykdan öň däp bolan «bakyşlaryň çaknyşygy» boldy. Russiýaly we iňlis türgeniniň arasyndaky bu söweş 7-nji fewralda Dubaýda geçiriljek PFL ýaryşynyň esasy wakasy bolar.
Usman Nurmagomedow tutluşyga 20 ýeňiş we 0 ýeňliş bilen çykýar. Ol professional karýerasynda ýeke gezek hem ýeňilmedi. Alfi Dewisde 20 ýeňiş, 5 ýeňliş we 1 deňme-deňlik bar.
Ýaryşyň ikinji esasy tutluşygy hem çempionlyk ugrundaky söweş bolar. Ýarym orta agramda PFL-iň boş duran guşagy ugrunda russiýaly iki pälwan — Ramazan Kuramagomedow bilen Şamil Musaýew duşuşarlar. Iki pälwan hem öz professional ýolunda entek ýeňlip görmedi.
Esasy tutluşyklar:
- Usman Nurmagomedow (20–0) — Alfi Dewis (20–5–1)
- Ramazan Kuramagomedow (13–0) — Şamil Musaýew (20–0–1)
- Abdul Abduragimow (19–1) — Kendli Sent-Luis (11–5), ýarym orta agram.
- Hesus Pinedo (25–7–1) — Salamat Isbulaýew (9–0), ýeňilräk agram.
