Hyundai kompaniýasy ABŞ-da üçünji hatardaky gapdal howpsuzlyk ýassyklarynyň näsazlygy sebäpli 570 müňe golaý Palisade krossowerini yzyna çagyrýar. Bu barada Ýol hereketiniň howpsuzlygy Milli administrasiýasy (NHTSA) habar berýär.
Bu meseläniň tehniki çözgüdi heniz tapylmady.
Düzgünleşdiriji edaranyň maglumatyna görä, kemçilik 2020–2025-nji model ýyllarynda öndürilen 568 576 sany awtoulaga degişlidir. Mesele geçen ýylyň aprel aýynda NHTSA tarapyndan geçirilen meýilnamalaýyn synaglar wagtynda ýüze çykaryldy. Hyundai tarapyndan geçirilen goşmaça barlaglar hem howpsuzlyk ýassyklarynyň dogry açylmaýandygyny tassyklady.
Näsazlygyň anyklanan bölekleri Şwesiýanyň Autoliv kompaniýasy tarapyndan öndürildi.
Hyundai-yň habar bermegine görä, şu wagta çenli bu näsazlyk sebäpli şikes alan ýa-da heläkçilige uçran adam hasaba alynmady.
Awtoulag eýelerine we dilerlere resmi habarnamalar mart aýynyň ahyrynda ugradylyp başlanar.
Belläp geçsek, Hyundai geçen ýylyň ahyrynda hem gysga utgaşma we ýangyn howpy sebäpli 50 müňden gowrak Tucson modelini yzyna çagyrypdy.
