ABŞ-da güýçli garly boragan sebäpli 10 müňden gowrak howa gatnawy ýatyryldy ýa-da saklandy. Bu barada «Fox News» telekanaly habar berýär. «Associated Press» agentliginiň maglumatyna görä, tupan ýurduň aglaba bölegini öz içine alar.
Oňaýsyz howa şertleri sebäpli Tehasda 18 müňden gowrak hojalyk elektrik energiýasyz galdy. Ştatlaryň 18-sinde adatdan daşary ýagdaý yglan edildi. Garly boran baradaky duýduryş 190 milliondan gowrak adama degişli. Milli meteorologiýa gullugy güýçli gar ýagmagyna, şeýle hem Tehasyň gündogar böleginden tä Demirgazyk Karolina çenli bolan aralykda buzluklaryň emele gelmegine garaşylýandygyny çaklaýar.
Adatdan daşary ýagdaýlary dolandyrmak boýunça federal agentlik (FEMA) öňünden 250 müň porsiýa azyk önümlerini, 400 müň litr suwy we 30 sany generatory taýýarlady diýip, «ABC News» telekanaly habar berdi. Şeýle hem şäherleriň gözleg-halas ediş toparlarynyň 28-si doly taýýarlyk ýagdaýyna getirildi. Olar ştat gubernatorlarynyň ýüz tutmasy boýunça halas ediş çärelerine çekiler.
ABŞ-da boragan sebäpli 10 müňden gowrak uçuş ýatyryldy
- 25.01.2026 01:50
- 7.2k+
