«Gara» ekranyň howpy: Hytaýda Toyota RAV4-iň täze nesli yzyna çagyrylýar

Hytaýyň gözegçilik edaralary Toyota RAV4 krossowerleriniň täze neslini yzyna çagyrýarlar. Ulaglaryň yzyna gaýtarylmagyna hereketlendiriji işläp başlandan soň, merkezi multimediýa ulgamyndaky displeýde peýda bolýan näsazlyk sebäp bolupdyr. Bu ýagdaý howpsuzlyk bilen bagly birnäçe funksiýa dürs işlemegine päsgelçilik döredýär diýip, ITHome portaly habar berýär.
Näsazlyk FAW-Toyota bilelikdäki kärhanasy tarapyndan 2025-nji ýylyň 5-nji dekabry bilen 2026-njy ýylyň 13-nji ýanwary aralygynda öndürilen 15 922 awtoulagda bar bolmagy ähtimal. Mundan ötri, GAC-Toyota bilelikdäki kärhanasy tarapyndan 2025-nji ýylyň 11-nji dekabry bilen 2026-njy ýylyň 12-nji ýanwary aralygynda öndürilen 5056 awtoulag yzyna gaýtarylýar. Birinji topardaky modeller bazarda RAV4 ady bilen, ikinjisi bolsa Wildlander ady bilen satylýar.
Hytaý çeşmeleriniň berýän maglumatyna görä, multimediýa ulgamyndaky programma üpjünçiliginiň ýalňyşlygy merkezi ekranyň açylmazlygyna we garalyp durmagyna sebäp bolup biler. Netijede, sürüji käbir klimat-gözegçilik funksiýalaryny, şeýle hem daşky görnüşindäki kamera ulgamyny ulanyp bilmeýär. Bu meseläni çözmek üçin multimediýa ulgamynyň programma üpjünçiliginiň täzelenmegi zerur.