McLaren sport geýimlerini we enjamlaryny öndüriji PUMA bilen köp ýyllyk şertnama baglaşandygyny yglan etdi. Şertnama laýyklykda, PUMA Formula 1 sürüjileri bolan Lando Norris we Oskar Piastri üçin ýörite eşikleri öndürer.
Hyzmatdaşlyk diňe ýaryşlary göz öňünde tutmaýar. PUMA şeýle hem IndyCar we WEC seriýasyndaky toparlar, F1 akademiýasy we kibersport ýaly McLaren-iň beýleki taslamalary üçin hem eşikleri üpjün eder.
«Häzirki wagtda biziň sportumyz juda gowy ýagdaýda. Şonuň üçin biziň global janköýer bazamyz bilen çuň we manyly gatnaşyklary gözleýän uly moda brendleriniň bardygy begendirýär. Sport geýimlerini öndürmekde ägirt derejä ýeten PUMA-dan has gowy hyzmatdaşy göz öňüne-de getirip bilemok. Ol bize janköýerleriň eşikleriniň görnüşini has-da giňeltmäge kömek eder. Biz janköýerleriň bu sporta bolan höwesini ýaryş meýdançasynda we ondan daşarda hem beýan etmek isleýändigini bilýäris. PUMA hem dizaýna we medeniýete innowasion çemeleşmeleri bilen tutuş dünýä gyzykly hem täsirli toplumlary hödürlär» diýip, McLaren Racing-iň baş direktory Zak Braun gürrüň berdi.
