«Barselonanyň» germaniýaly derwezebany Mark-Andre ter Ştegen ýakyn wagtda «Žironanyň» oýunçysy bolar. Taraplar häzir oýunçyny kärendesine almak boýunça şertnamany ylalaşmagyň ahyrky tapgyrynda diýip, insaýder Fabrisio Romano X sosial ulgamynda habar berdi.
Ter Ştegen «Barselonada» 2014-nji ýyldan bäri oýnaýar. Bu döwürde ol ähli ýaryşlarda 423 oýna gatnaşdy we 176 gezek derwezä gol geçirtmedi. Derwezebanyň katalon kluby bilen şertnamasy 2028-nji ýylyň tomsuna çenli hereket edýär, ýöne ol esasy düzüme seýrek goşulýar. Transfermarkt portalynyň maglumatlaryna görä, häzir onuň bazar bahasy 7 mln ýewro barabar.
Şeýle-de, Romano «Kristal Pelasyň» merkezi goragçysy Mark Gehiniň «Mançester Sitä» geçýändigini habar berdi. London kluby 20 mln funt sterling (23 mln ýewro) möçberde teklip kabul etdi. Ýöne Transfermarkt-yň hasaby boýunça, onuň bazar bahasy 55 mln ýewro.
Çeşmäniň maglumatlaryna görä, 25 ýaşly futbolçy «ManSiti» tarapyndan hödürlenen şertlere razy boldy.
Häzirki möwsümde Gehi 33 oýna gatnaşyp, üç gol geçirdi we dört assist etdi.
