Renault kompaniýasy özüniň täze Filante krossowerini resmi taýdan tanyşdyrdy. Bu model Geely kompaniýasynyň CMA platformasynda guruldy.
Awtoulagyň satuwy şu ýylyň mart aýynda Günorta Koreýada başlanar, soňra bolsa model Günorta Amerika we Ýakyn Gündogar bazarlaryna çykar. Kompaniýanyň resmi beýanatynda awtoulagyň Ýewropa bazaryna çykaryljakdygy barada häzirlikçe maglumat berilmeýär.
"Filante" ady ýakynda zarýad berilmezden ýokary tizlikde 1 000 km-den gowrak aralygy geçen meşhur elektrik prototipinden gelip çykýar.
Täze krossower markanyň iň uzyn modeline öwrüldi:
- Uzynlygy: 4 915 mm;
- Teker binýady (baza): 2 820 mm;
- Ýerden beýikligi (klirens): 201 mm;
- Tekerleri: 20 dýuýma çenli.
Awtoulagyň öň bamperinde we radiator gözeneginde okgunly sudur hem-de özboluşly LED yşyklandyryş elementleri ýerleşdirilen.
Filante 250 at güýjüne (565 Nm) eýe bolan gibrid güýç ulgamy bilen üpjün edildi. Ol 1,5 litrlik turbo hereketlendirijini we üç basgançakly transmissiýadaky iki sany elektrik hereketlendirijisini birleşdirýär. Elektrik hereketlendirijileriniň biri diňe esasy motori işe girizmek we batareýany zarýadlamak üçin hyzmat edýär. Renault-nyň maglumatlaryna görä, şäher şertlerinde sürmegiň 75%-inde içinden ýandyrylýan hereketlendirijini (DVS) ulanmak hem talap edilmez.
Awtoulagyň salonynda üç sany 12,3 dýuýmlyk ekran, panoramaly üçek, üç zolakly howa gözegçiligi (klimat-kontrol) we "Arkamys" ýa-da "Bose" akustika ulgamy bar. Şeýle hem sürüjä kömekçi ulgamlaryň toplumy — adaptiw kruiz-kontrol, 360 graduslyk töwerege gözegçilik kamerasy, sanly yzy görüş aýnasy we awtomatiki duralga goýmak (awtonom özüni parkirleme) ulgamy elýeterlidir.
