Samsung kompaniýasy arzan bahaly Galaxy A07 5G smartfonyny resmi taýdan hödürledi.
Täze model ilki bilen Taýlandyň we Mýanmanyň bazarlary üçin tanyşdyryldy. Smartfon ýat ukyby boýunça iki görnüşde — 4/128 GB we 6/128 GB wariantlarynda hödürlenýär. Modelleriň bahasy degişlilikde 175 we 190 dollara deňdir.
Smartfon 1600 × 720 piksel çözgütli we 120 Gs täzelenme ýygylygy bolan 6,7 dýuýmlyk PLS ekrany bilen üpjün edildi. Enjamyň esasyny MediaTek Dimensity 6300 prosessory düzýär. Galaxy A07 5G modeli Android 16 operasion ulgamynda işleýär. Kompaniýa bu model üçin 6 ýyl boýunça ulgam we howpsuzlyk täzelenmelerini berjekdigini wada edýär.
Surata düşüriş ukyby: öň kamerasy: 8 megapiksel, esasy kamerasy: 50 we 2 megapiksellik goşa datçik.
Enjamyň iň güýçli taraplarynyň biri hem onuň 6000 mAs sygymly akkumulýatydyr.
Smartfonda barmak yzyny okaýan gapdal skaner, microSD ýat kartlary üçin ýer we IP54 standarty boýunça tozandan hem-de suw damjalaryndan gorag bar. Galaxy A07 5G-niň ölçegleri 167,4 × 77,4 × 8,2 mm, agramy bolsa 199 gramdyr.
