Angliýanyň «Mançester Ýunaýted» futbol kluby topardan ser Aleks Fergýuson gideni bäri tälimçileriň we olaryň kömekçileriniň öwez tölegine, takmynan, 100 mln funt sterling (115 mln ýewro) sarp etdi. Şeýle maglumaty The Telegraph neşiri berýär.
Duşenbe güni, 5-nji ýanwarda, klub Ruben Amorimi işden çykardy. Ol indi öz şertnamasynyň galan bir ýarym ýyly üçin 10 mln funt sterling (11,5 mln ýewro) alar.
Mundan öň klub işden çykarylan tälimçiler ştabyna 78 mln funt sterling (90 mln ýewro) möçberde töleg töledi. Dewid Moýese 4,9 mln funt sterling (5,6 mln ýewro), Lui Wan Gala 8,4 mln funt (9,6 mln ýewro), Žoze Mourinýu 19,6 mln funt (22,5 mln ýewro), Ule-Gunnar Sulşere 10 mln funt (11,5 mln ýewro), Ralf Rangnike 14,7 mln funt (16,9 mln ýewro), Erik ten Haga bolsa 10 mln funt (11,5 mln ýewro) töledi.
Mundan başga-da, klub täze tälimçileri çagyrmak, şeýle-de sport müdirlerini işe almak we işden çykarmak üçin, takmynan, 21 mln funt sterling (24 mln ýewro) sarp etdi. Iň uly öwez tölegi 11 mln funt sterling (12,6 mln ýewro) boldy we 2024-nji ýylda Amorimiň bellenendigi üçin «Sportinge» geçirildi.
Belläp geçsek, Fergýuson klubdan 2013-nji ýylda gitdi.
