Saud Arabystanynyň “Al-Ittihad” klubunyň hüjümçisi Karim Benzema Pablo Pikassonyň 1964-nji ýylda döreden “Sakgally adamyň portreti” (Portrait d'homme barbu) atly eserini satyn alandygyny mälim etdi. Fransuz futbolçysy bu gymmatbahaly söwdasy barada Instagram sahypasynda habar berdi.
“Realyň” öňki ýyldyzy täze eseri bilen düşen suratyny paýlaşyp, onuň aşagynda "Öýe hoş geldiň" diýen ýazgyny galdyrdy.
RMC Sport neşiriniň belleýşi ýaly, Pikassonyň bu eseri ozal 2025-nji ýylyň başynda Nýu-Ýorkdaky sungat dilleri Helli Nahmadyň galereýasynda sergilenipdi. Eseriň anyk bahasy aýdylmady. Şol bir wagtyň özünde, auksionlarda Pikassonyň eserleriniň köplenç bir million ýewrodan hem ýokary bahalara satylýandygy mälimdir.
37 ýaşly Karim Benzema Fransiýanyň milli ýygyndysynyň düzüminde 97 oýunda çykyş edip, 37 gol geçirdi. 2022-nji ýylda ol dünýäniň iň gowy futbolçysy hökmünde "Altyn top" baýragyny gazanypdy.
