«Barselona» futbol kluby we «Barsa» gaznasy (Barca Foundation) agyr keselli çagalary we ýetginjekleri goldamaga gönükdirilen haýyr-sahawat Roždestwo kampaniýasyny geçirdi.
Maksatnama bejergi döwründe çagalara we olaryň maşgalalaryna emosional goldawy bermäge gönükdirilýär we Polseres Blaugrana («Gök-gyzyl bilezikler») taslamasynyň çäklerinde durmuşa geçirilýär.
Erkekler toparynyň oýunçylary we tälimçiler ştaby Barselona aglomerasiýasyndaky ýedi lukmançylyk edarasyna we üç sagaldyş hem dikeldiş merkezine bardy.
Lamin Ýamal, Pedri, Robert Lewandowski, Frenki de Ýong, Pau Kubarsi we toparyň beýleki oýunçylary çagalar bilen surata düşdi, olara sowgat we klubuň raýdaşlygynyň nyşanyna öwrülen gök-gyzyl bilezikleri berdi.
Lukmançylyk edaralary şeýle duşuşyklaryň bu oglanjyklar we gyzjagazlar üçin hakyky bejergi bolup, olara oňyn duýgulary başdan geçirmäge we duýmaga mümkinçilik berýändigini belleýär. Bu olara agyr lukmançylyk proseduralarynyň hötdesinden gelmäge kömek edýär we sagaldyş prosesine ýardam edýär.
Şeýle-de, maksatnama lukmançylyk kömegini ynsanperwerleşdirmek we öýde palliatiw kömegi goldamak üçin Kataloniýanyň we beýleki ýurtlaryň pediatrik hassahanalary bilen hyzmatdaşlygy göz öňünde tutýar.
Futbolçylardan başga-da, ýylyň dowamynda şeýle aksiýalara «Barselonanyň» basketbol, gandbol, mini-futbol we roller-hokkeý toparlarynyň wekilleri-de gatnaşýar.
