Transfermarkt portaly dünýäniň 30 ýaşdan ýokary iň gymmat on futbolçysynyň täzelenen reýtingini hödürledi.
Sanawda öňdebaryjy Mýunheniň «Bawariýasynyň» hüjümçisi Garri Keýn boldy. 32 ýaşly oýunçynyň transfer bahasy 65 mln ýewro diýlip hasaplanýar.
Ikinji orny Keýniň klubdaşy – germaniýaly ýarymgoragçy Ýozua Kimmih eýeledi. Ol ýakynda 30 ýaşyny doldurdy, onuň bahasy bolsa 40 mln ýewro barabar. «Mançester Ýunaýtedde» çykyş edýän 31 ýaşly portugaliýaly hawbek Brunu Fernandeş hem şeýle bahalandyrylýar.
Doly reýting aşakdaky görnüşde:
- Garri Keýn («Bawariýa», 32 ýaş) — € 65 mln.
- Ýozua Kimmih («Bawariýa», 30 ýaş) — € 40 mln.
- Brunu Fernandeş («Mançester Ýunaýted», 31 ýaş) — € 40 mln.
- Dawid Raýýa («Arsenal», 30 ýaş) — € 35 mln.
- Markinýos («PSŽ», 31 ýaş) — € 30 mln.
- Mohamed Salah («Liwerpul», 33 ýaş) — € 30 mln.
- Andre Zambo Angissa («Napoli», 30 ýaş) — € 27 mln.
- Bernardu Silwa («Mançester Siti», 31 ýaş) — € 27 mln.
- Žoau Palinýa («Tottenhem Hotspur», 30 ýaş) — € 25 mln.
- Jek Griliş («Ewerton», 30 ýaş) — € 25 mln.
Belläp geçsek, ýyldyz hüjümçiler Lionel Messi (€ 15 mln) we portugaliýaly Kriştianu Ronaldu (€ 12 mln) reýtinge girmedi.
