Globe Soccer Awards X sosial ulgamynda dürli kategoriýalarda 2025-nji ýylyň baýraklary üçin dalaşgärleriň ahyrky sanawyny hödürledi.
Ýeňijiler ses bermek arkaly saýlanýar. Baýraklaryň gowşurylyş dabarasy 28-nji dekabrda Dubaýda geçiriler.
2025-nji ýylyň iň gowy kluby üçin baýraga dalaş edýär: «Liwerpul» (Angliýa), «PSŽ» (Fransiýa), «Flamengo» (Braziliýa), «Barselona» (Ispaniýa), «Çelsi» (Angliýa).
«Dünýäniň iň gowy tälimçisi» kategoriýasynda dalaşgärler: Habi Alonso (Madridiň «Realy», ozal Lewerkuzeniň «Baýeri»), Mikel Arteta («Arsenal»), Luis Enrike («PSŽ»), Hans-Diter Flik («Barselona»), Enso Mareska («Çelsi»).
Dünýäniň iň gowy ýarymgoragçysy üçin baýraga dalaş edýär: Jud Bellingem (Madridiň «Realy»), Žoau Neweş («PSŽ»), Koul Palmer («Çelsi»), Pedri («Barselona»), Witinýa («PSŽ»).
«Iň gowy hüjümçi» kategoriýasynda finalçylar: Usman Dembele («PSŽ»), Hwiça Kwarasheliýa («PSŽ»), Kilian Mbappe (Madridiň «Realy»), Rafinýa («Barselona»), Lamin Ýamal («Barselona»).
Esasy «Dünýäniň iň gowy oýunçysy» baýragyna dalaş edýär: Usman Dembele («PSŽ»), Kilian Mbappe (Madridiň «Realy»), Rafinýa («Barselona»), Witinýa («PSŽ»), Lamin Ýamal («Barselona»).
Geçen ýylyň jemi boýunça iň gowy topar Madridiň «Realy», iň gowy tälimçi Karlo Ançelotti (Madridiň «Realy», häzir Braziliýanyň milli ýygyndysy), iň gowy oýunçy bolsa Madridiň «Realynyň» braziliýaly wingeri Winisius Žunior bolupdy.
