Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär.
Jemi 35 sagat taýýarlandy. Olaryň bahasy aýdylmaýar, ýöne neşir gürrüňiň birnäçe müň ýewro baradadygyny belleýär.
Ronaldu ýoldaşlaryna sowgatlary sentýabrda 2026-njy ýylda geçiriljek dünýä çempionatynyň saýlama ýaryşynyň Ermenistanyň milli ýygyndysyna garşy birinji oýnunda gowşurdy. Sagat tomusda ulag heläkçiliginde aradan çykan Diogu Žotanyň maşgalasyna-da iberildi. Onda oýunçynyň ady we oýun belgisi görkezilen.
Portugaliýanyň milli ýygyndysy 8-nji iýunda Mýunhende geçirilen Milletler ligasynyň finalynda Ispaniýany utdy. Oýnuň esasy wagty 2:2 hasabynda, penaltide – 5:3 hasabynda tamamlandy. Bu toparyň ýaryşyň taryhynda ikinji kubogy boldy.