2025-nji ýylyň Globe Soccer Awards futbol baýragynyň esasy kategoriýalarynda dalaşgärler belli boldy. Guramaçylar dürli kategoriýalarda baýrak üçin dalaş etjek futbolçylaryň, tälimçileriň we klublaryň sanawyny yglan etdi.
“2025-nji ýylda dünýäniň iň gowy kluby” kategoriýasynda baýrak üçin “Al-Ahli”, “Barselona”, “Bawariýa”, “Çelsi”, “Kristal Pelas”, “Flamengo”, “Inter”, “Liwerpul”, “Napoli”, “Nýukasl”, “Palmeýras”, “Pari Sen-Žermen”, “PSW Eýndhowen”, “Piramids”, “Sporting” Lissabon we “Tottenhem” dalaş eder.
Dünýäniň iň gowy tälimçisi ady ugrunda Habi Alonso (Madridiň “Realy”, öň Lewerkuzeniň “Baýeri”), Mikel Arteta (“Arsenal”), Antonio Konte (“Napoli”), Luis Enrike (“Pari Sen-Žermen”), Hans-Diter Flik (“Barselona”), Eddi Hou (“Nýukasl”), Wensan Kompani (“Bawariýa”), Enso Mareska (“Çelsi”), Roberto Martines (Portugaliýanyň milli ýygyndysy) we Arne Slot (“Liwerpul”) bäsleşer.
“2025-nji ýylda dünýäniň iň gowy oýunçysy” baýragyna dalaşgärler:
- ·“PSŽ”: Usman Dembele, Dezire Due, Aşraf Hakimi, Hwiça Kwarasheliýa, Nunu Mendeş, Fabian Ruis, Witinýa
- ·“Mançester Siti”: Janluiji Donnarumma (öň “PSŽ”), Erling Holand
- ·“Arsenal”: Wiktor Dýokereş (öň “Sporting” Lissabon), Deklan Raýs
- ·“Liwerpul”: Aleksander Isak (öň “Nýukasl”), Florian Wirts (öň “Baýer”), Mohamed Salah
- ·“Real”: Winisius Žunior, Kilian Mbappe
- ·“Bawariýa”: Garri Keýn, Maýkl Olise
- ·“Barselona”: Robert Lewandowski, Rafinýa, Lamin Ýamal, Pedri
- ·“Inter”: Lautaro Martines
- ·“Napoli”: Skott Maktomineý
- ·“Çelsi”: Koul Palmer
Ýylyň iň gowy ýaş oýunçysy baýragyna Pau Kubarsi (“Barselona”), Dezire Due, Žoau Neweş, Uorren Zair-Emeri (hemmesi “PSŽ”), Arda Gýuler, Din Hýoýsen (ikisi-de “Real”), Maýlz Lýuis-Skelli (“Arsenal”), Niko Pas (“Komo”), Rodrigo Mora (“Portu”), Kenan Ýyldyz (“Ýuwentus”) we Eliss Ben-Segir (“Baýer”) dalaş edýär.
Ýakyn Gündogarda iň gowy oýunçy baýragyna ýedi futbolçy dalaş edýär: Karim Benzema, N’Golo Kante (ikisi-de “Al-Ittihad”), Salem Al-Dawsari (“Al-Hilýal”), Roberto Firmino (“Al-Sadd”), Riýad Marez, Aýwan Toni (ikisi-de “Al-Ahli”) we Kriştianu Ronaldu (“Al-Nasr”).
Globe Soccer Awards her ýyl geçirilýän dabara bolup, onda futbol dünýäsiniň iň üstünlikli wekilleri sylaglanýar. Ýeňijiler ses bermek arkaly saýlanýar. Dabara 28-nji dekabrda Dubaýda (BAE) geçiriler.
