2028-nji ýyldaky futbol boýunça Ýewropa çempionatynyň final duşuşygy Londonyň "Uembli" stadionynda geçiriler. Bu barada Ýewropa Futbol Assosiasiýalarynyň Bileleşiginiň (UEFA) metbugat gullugy habar berdi.
Final oýun 9-njy iýulda bolar. Finaldan başga-da, bu stadionda iki sany ýarym final we bir çärýek final oýunlaryny geçirmek meýilleşdirilýär. Arena takmynan 90 müň tomaşaçyny kabul edip bilýär we ol eýýäm Ýewropa çempionatynyň finalyna eýeçilik edipdi: 2021-nji ýylda Italiýanyň ýygyndysy jerime urgulary arkaly Angliýany ýeňipdi.
Ýewro-2028 Angliýada, Şotlandiýada, Uelsde we Demirgazyk Irlandiýada geçiriler. Ýaryşa 24 milli ýygyndy gatnaşar. Açylyş oýny 9-njy iýunda Kardiffdäki "Principality" stadionynda bolar.
