Meşhur basketbolçy Maýkl Jordanyň suraty we goly bolan kolleksiýa kartoçkasy auksionda 2,7 mln dollara satyldy. Bu ikinji el bazarda satyn alnan kartoçkalaryň arasynda rekord mukdar boldy diýip, Goldin Auction auksion öýüniň metbugat gullugy habar berýär.
ESPN-iň belleýşi ýaly, kartoçkalar 1986-njy ýylda Fleer kompaniýasy tarapyndan çykaryldy. 2024-nji ýylda Jordan ýapyk awtograf-sessiýasynda şeýle kartoçkalaryň dokuzysynda öz goluny goýdy. Tomusda olaryň biri Joopiter auksionynda 2,5 mln dollara satyldy.
Goldin Auctions-yň esaslandyryjysy we baş direktory Ken Goldin şeýle tapyndylaryň kolleksionerler üçin aýratyn gymmatlydygyny belledi.
Maýkl Jordan taryhda iň meşhur basketbolçylaryň biridir. Ol “Çikago Bullzyň” düzüminde alty gezek NBA-nyň çempiony boldy, iki gezek Olimpiýa oýunlaryny utdy we alty gezek NBA-nyň finalynyň “Iň gymmatly oýunçysy” diýlip ykrar edildi. 2009-njy ýylda onuň ady basketbolyň Şöhrat zalyna girizildi.
