21-nji oktýabrda altynyň bahasy soňky 12 ýylda iň uly pese gaçyşy görkezdi. Häzirki baha 6,3% peselip, bir unsiýa üçin 4082 dollar boldy. Kümüş hem arzanlady: onuň bahasy 8,7%, bir unsiýa üçin 47,9 dollara çenli pese gaçdy diýip, Bloomberg habar berýär.
Dekabr aýyndaky üpjünçilik bilen altyn üçin fýuçersler 5,3% arzanlap, bir unsiýa üçin 4129 dollar boldy. Bu 4350 dollar derejesinde taryhy rekorda ýetilenden birnäçe gün soň bolup geçdi.
Analitikleriň aýtmagyna görä, bu maýadarlaryň rekord görkezijilerden soň girdeji gazanmak islegi bilen baglanyşykly boldy. Mundan başga-da, ABŞ bilen Hytaýyň arasynda söwda gepleşiginiň ýola goýlup bilinmegi maýadarlaryň “ygtybarly aktiw” hökmünde altyna bolan gyzyklanmasyny peseldýär.
