Kanadanyň kenarlarynda rekord ululykda erkek ak akula göründi diýip, CTV teleýaýlymy habar berdi. Ocearch gözleg guramasynyň maglumatlaryna görä, bu häzire çenli Atlantikde adam tarapyndan hasaba alnan bu görnüşiň iň uly wekili boldy.
Alymlar akulanyň uzynlygyny 4,5 metr töweregi diýip hasapladylar. Oňa Dalaşgär lakamy berildi. Ilkinji gezek ony ýanwarda Florida amerikan ştatynyň kenarynda gördüler. Hünärmenler ýyrtyjyny tutup, onuň ugruny yzarlamak üçin oňa hemra trekerini dakdy.
Tomusda Dalaşgär Massaçusetsiň kenarlarynda göründi. Şondan soň 73 günüň içinde günde ortaça 19 km tizlik bilen hereket edip, demirgazyga – Keramatly Lawrentiýa aýlagyna tarap 1400 km töweregi ýüzdi.
Ak akulalar demirgazyk Atlantikada seýrek duşýar, çünki olar ýyly suwlary halaýar. Ocearch-yň esaslandyryjysy Kris Fişer akulanyň Kanadanyň suwlaryna, ähtimal, iýmit gözläp ýüzendigini belleýär.
Belläp geçsek, urkaçy ak akulanyň uzynlygy 4,8 metre çenli ýetip bilýär, ýöne erkek akulanyň ululygy 4 metrden geçmeýär. Uly akulalaryň agramy 680-den 1100 kilogram aralygynda üýtgeýär.
