5-nji oktýabrda Las-Wegasdaky (ABŞ) T-Mobile Arenasynda UFC 320 ýaryşy geçirildi.
Ikinji derejeli esasy söweşde ýeňil agramdkay çempion — Gruziýadan Merab Dwalişwili ABŞ-nyň wekili, bu agram derejesinde sanawda dördünji orny eýeleýän Kori Sendhagen bilen duşuşdy.
Söweş bäş raund dowam edip, eminleriň biragyzdan karary bilen (49–45, 49–45, 45–46) Dwalişwiliniň ýeňşi bilen tamamlandy. Şeýlelikde, gruziýaly pälwan çempionlyk guşagyny üstünlikli gorap bildi.
Bu ýeňiş Dwalişwiliniň yzly-yzyna 14-nji ýeňşi boldy. Onuň karýerasynda häzirki wagtda 20 ýeňiş we 4 ýeňliş bar. Sendhageniň hasabynda bolsa 18 ýeňiş we 6 ýeňliş bar.
Ýaryşyň esasy söweşinde braziliýaly Aleks Pereýra russiýaly Magomed Ankalaýewi ilkinji raundda nokaut bilen ýeňip, UFC-niň çempionlyk guşagyny yzyna aldy.
UFC 320-niň beýleki söweşleriniň netijeleri:
Esasy kard:
- Irži Prohazka — Halil Rauntrini 3-nji raundda nokaut bilen ýeňdi
- Ýussef Zalal — Joş Emmeti 1-nji raundda sabmişn bilen ýeňdi (armbar)
- Jozef Paýfer — Abusupýan Magomedowy 2-nji raundda demikdiriji usul arkaly sabmişn bilen ýeňdi
Deslapky kard:
- Ateba Abega — Treston Wainsi 1-nji raundda tehniki nokaut bilen ýeňdi
- Edmen Şahbazýan — Andre Munizi 1-nji raundda nokaut bilen ýeňdi
- Farid Başarat — Kris Gutýerresi eminleriň biragyzdan karary bilen ýeňdi
- Daniel Santos — Ýu San Ju 2-nji raundda tehniki nokaut bilen ýeňdi
- Ýana Santos — Meýsi Çiassony eminleriň biragyzdan karary bilen ýeňdi
- Ýakub Wiklaş — Patrik Miksi eminleriň bölünen karary bilen ýeňdi
- Punaahele Soriano — Nikolaý Weretennikowy eminleriň biragyzdan karary bilen ýeňdi
- Ramis Braimaý — Ostin Wanderfordy 2-nji raundda bogujy usul arkaly sabmişn bilen ýeňdi
- Weronika Hardi — Brogan Wokeri eminleriň biragyzdan karary bilen ýeňdi
