Toyota täzelenen Corolla Cross 2026 krossoweriniň satuwyna başlady. Model ykjamlygy, häzirki zaman dizaýny we giň tehnologiýalar toplumyny özünde jemleýär.
Ulagyň önümçiligi ABŞ-nyň Alabama ştatyndaky Hantswil zawodynda ýola goýuldy, ilkinji awtoulaglar eýýäm Amerikanyň dilerlerine gelip başlady. Bahalar benzinli wersiýasy üçin 24 635 dollar, gibrid wersiýasy üçin bolsa 28 995 dollardan başlanýar.
Daşky görnüşinde üýtgeşmelerden - gibridlerde korpus bilen bir reňkde edilen öň radiator gözenegi peýda boldy. Benzinli wersiýa has güýçli we haýbatly görnüşe eýe boldy. Hemme komplektasiýalarda LED gündizki çyralary oturdyldy. Reňk palitrasyna täze Cavalry Blue goşuldy. Gibrid SE we XSE üçin gara kontrastly üçek, XSE üçin bolsa 18 dýuým gara parlak diskler elýeterli.
Salon we tehnologiýalar
Merkezi konsol täzeden işlenip düzülipdir, zat saklamak üçin ýerleri köpelipdir. Beýlekilerden tapawutlylykda, täze simsiz zarýad ulgamy arkaly iki enjamy aýratyn zarýadlap bilýär. XLE komplektasiýasy täze Portobello içki bezegi bilen hödürlenýär. Täzeçillikleriň arasynda — 10,5 dýuýmlyk Toyota Audio Multimedia ekrany we 12,3 dýuýma çenli sanly enjamlar paneli bar. Ähli tekerleri hereketli wersiýalarda oturgyçlaryň we ruluň gyzdyryjy ulgamy standart ýagdaýda hödürlenýär.
Dwigateller we ulgamlar
Benzinli L, LE we XLE wersiýalary öňki ýa-da dolulygyna hereketlendiriş bilen hödürlenýär. Gibrid S, SE we XSE wersiýalary Electronic On-Demand AWD ulgamy bilen enjamlaşdyrylan.
