“2025-nji ýylyň umman suratçysy” (Ocean Photographer of the Year 2025) bäsleşiginiň emin agzalary ýeňijileri yglan etdiler we baş baýragy gowşurdylar.
Indoneziýaly suratçy we guwwas Ýuriý Iwanow (merjeniň üstünde oturan iki sany amfipodyň ajaýyp keşbi üçin) absolýut ýeňiji boldy. Iň oňat suraty düşürmek üçin suratçy 19 metr çuňluga birnäçe gezek çümmeli boldy.
Suratlaryň köpüsi adamlar bilen ummanyň arasyndaky täsirleşmä, tebigaty gorap saklamaklyga we deňiz dünýäsini çeper kabul etmeklige bagyşlanýar.
Kategoriýalar boýunça ýeňijiler:
Absolýut ýeňiji: Amfipodlar / © Ýuriý Iwanow (Yury Ivanov)
Adam we umman: deňiz kenaryna zyňlan küýki läheňiň halas edilişi, 15 sagatlyk iş netije bermedi / © Kreýg Parri (Craig Parry)
Umyt: Tailandyň Aquaria Phuket-inde gaplaň akulalarynyň köpeldilişi / © Sirçaý Arunrugstiçaý (Sirachai Arunrugstichai)
Portfolio: lamantiniň ýüzüşi / © Metýu Salliwan (Matthew Sullivan)
Daşky gurşawy goramak: adamyň täsiri: Farer adalarynda enesiniň jesediniň ýanynda ýatan uzyn ýüzgüçli grindanyň (gara delfin) jansyz çagasy / © Hýugo Bret (Hugo Bret)
Ýabany tebigat: ene pigmeý öküzçe balyk liçinkalaryny suwa goýberýär / © Takumi Oýama (Takumi Oyama)
Başdan geçirme: Portugaliýanyň Nazare şäherine ýagyşly gün / © Ben Tuard (Ben Thouard)
Sungat: zolakly kiçi kit / © Mariýa Reýderer (Maria Reiderer)
Ýaş suratçy: bobteýl kalmarlar jübüti / © Aaron Sanders (Aaron Sanders)
