Tomusky transfer penjiresinde “Arsenalyň” oýunçysy bolan Wiktor Dýokereş France Football tarapyndan möwsümiň jemi boýunça iň gowy bombardir diýlip ykrar edildi. Ol Gerd Mýuller adyndaky baýraga mynasyp boldy.
Geçen möwsümde Dýokereş Lissabonyň “Sportinginde” oýnap, Portugaliýanyň çempionatyny we Kubogyny utdy. Ol klub möwsüminiň 52 oýnunda 54 gol geçirip, 13 assist etdi.
Zenanlaryň arasynda iň gowy bombardir hökmünde “Barselonadan” Ewa Paýor saýlandy. Geçen möwsümiň jemi boýunça Polşanyň milli ýygyndysynyň futbolçysy Ispaniýanyň çempiony boldy, ýurduň Kubogyny we Superkubogyny gazandy. Mundan başga-da, katalon klubunyň düzüminde Çempionlar ligasynyň finalyna çykdy. Paýor 62 oýunda 47 gol geçirip, 19 assist etdi.
