Angliýanyň “Mançester Ýunaýted” futbol kluby 2024/25 möwsüminiň jemi boýunça rekord girdeji barada hasabat berdi. Sky Sports-yň maliýe hasabatyna salgylanyp habar bermegine görä, girdeji 666,5 mln funt sterling boldy.
Şol bir wagtyň özünde, klub 33 mln funt sterling möçberde ýitgi hasaba aldy, ýöne bu 2024-nji ýyldaky 113 mln funt ýitgiden ep-esli azdyr. Girdejiniň ösüşine Snapdragon brendi bilen baglaşylan bäşýyllyk şertnama uly goşant goşdy.
Ýitgileri birinji toparyň meýilnamalaryna girmeýän ýokary zähmet haky bolan oýunçylary kärendesine bermegiň we satmagyň, şeýle-de giň gerimli üýtgedip gurmak işleriniň netijesinde azaltmak başartdy. Birinji tapgyrda “Old Trafford” stadionynyň 250-den gowrak işgäri işden çykaryldy.
Bellenilişi ýaly, “Mançester Ýunaýted” möhüm netijelere ýetmändigine we Çempionlar ligasyna gatnaşmandygyna garamazdan, rekord maliýe görkezijilerine ýetmegi başardy. Angliýanyň premýer-ligasynda klub möwsümi 15-nji orunda tamamlady – bu toparyň 1973/74 möwsüminden bäri milli çempionatda iň ýaramaz netijesidir.
