Britaniýanyň premium awtomobil öndürijisi Aston Martin egg kompaniýasy bilen bilelikde öz hataryna çaga arabalaryny goşdy. Olaryň dizaýny we materiallary brendiň awtomobilleriniň elementlerini gaýtalaýar. Baha, takmynan, 1200 dollara barabar.
Arabalaryň tigirleri Aston Martin Valour we Victor ulaglarynda ulanylýan diskleriň stilinde ýerine ýetirildi, olaryň küpjekleri bolsa awtomobilleriň merkezi panellerindäki režim geçirijilerini ýatladýar. Daşlyklardaky tikin DBX707 krossoweriniň interýeriniň bezegini gaýtalaýar.
Arabalaryň bir görnüşi Aston Martin-iň yzygiderli çykýan awtomobillerinde ulanylýan ýaşyl we laým reňkleriniň utgaşmagynda döredildi. Beýleki ikisi – çal öwüşginlerde bolup, wintaž interýerini we karbonyň ulanylandygyny ýatladýar. Bezeg üçin brendiň awtomobilleriniň salonynda ulanylýan deri ulanyldy.
Şeýle-de, kompaniýa egg firmasy bilen bilelikde tutuş tematiki hatary taýýarlaýar: arabalardan başga-da, sallançak we çagalara seretmek üçin dürli aksessuarlar bolar.
Täze önümleriň satuwy ýylyň ahyryna golaý başlar.
