World Unearthed YouTube kanalynyň blogerleri birwagtlar işjeň ulanylyp, soňra dürli sebäplere görä taşlanan suw we howa gämileriniň ýa-da olaryň ýerleşýän ýerleriniň ilkinji onlugyny düzdi.
Gyzykly ýeri, bu sanawda suwa giden “Titanik” ýaly has belli, öňünden çaklap boljak gämiler ýok. Şonuň üçin, gämileriň we uçarlaryň köpüsiniň atlary tomaşaçylar üçin täze bolup biler.
10. Nikosiýanyň halkara howa menzili (Kipr) – 40 ýyl bäri taşlanan. Içinde häzirem uçarlar ýa-da olaryň bölekleri bar.
9. Dayspring balykçylyk gämisi (Şotlandiýa) – 2011-nji ýylyň dekabrynda tupana düşdi. Şondan bäri demirgazyk şäheriň kenarynda dur we fotosuratçylary, syýahatçylary hem-de ýerli ýaşaýjylary özüne çekýär.
8. Elinikon halkara howa menzili (Gresiýa) – 2001-nji ýyla çenli Afinanyň esasy howa menzili boldy. Häzirki wagtda ýapyk bolup, içinde Olympic Airways hökümet awiakompaniýasynyň birnäçe uçarlary bar.
7. Läheň awlaýan gämi Garðar BA 64 (Islandiýa) – 1981-nji ýylda ulanmak üçin howply diýlip hasaplandy. Ony peýdaly ulanmagyň deregine Skapadalur jülgesinde saýa oturtdylar we häzire çenli şol ýerde dur.
6. Mi-4 sowet dikuçary (Bolgariýa) – 1950-nji ýyllaryň köp maksatly transport-desant dikuçary. Suratda Bolgariýada taşlanan Mi-4 görkezilýär.
5. MV Panagiotis gämisi (Gresiýa) – 1983-nji ýylda çilim we çakyr gatnadýardy, ýöne tupana duşup, günorta adalaryň biriniň kenaryna zyňyldy.
4. Douglas C-47B harby-transport uçary – Pleşewisa dag sebitinde, Horwatiýa bilen Bosniýa we Gersegowinanyň serhetindäki “Želýawa” awiabazasynda taşlanan.
3. “Olimpiýa” söwda gämisi (Gresiýa) – 1980-nji ýylyň fewralynda tupan sebäpli Amorgos adasyndaky gaýalar bilen çaknyşyp, düýpli zeper aldy.
2. DC-3 amerikan uçary (Islandiýa) – 1973-nji ýylda güýçli doňakçylyk sebäpli günorta kenarda gonmaly boldy. Ekipaž diri galdy, ýöne fýuzelýaž şol ýerde galdyryldy.
1. Mediterranean Sky kruiz gämisi (Gresiýa) – 1952-nji ýylda Nýukaslyň gämi ussahanasynda gurlan. 1996-njy ýylda gäminiň degişli bolan kompaniýasy batdy we gämi tussag edildi. Gresiýanyň kenarlarynda onuň bir tarapy suwa batyp galdy.
