Germaniýanyň Delta 4x4 atelýesi Toyota Land Cruiser Prado-nyň soňky nesli üçin üýtgeşmeler toplumyny hödürledi. Wnedorožnik döwrebaplaşdyrylan podweskany, kuzowyň goragyny we goşmaça esbaplary aldy. Bukjanyň bahasy entek mälim edilmedi.
Podweska ýerden beýikligini 50 millimetr ýokarlandyran Reiger komponentleri bilen enjamlaşdyryldy. Wnedorožnike BFGoodrich şinaly 18 dýuýmlyk Hanma tekerleri dakyldy. Týunerleriň sözlerine görä, çalt aýryp ýa-da dakyp bolýan teker arka giňeltmeleri gerek boldy.
Öňki bamperde ÝB ýurtlarynda ulanmak üçin kepillendirilen gorag arkasy bar. Oňa Warn ýük galdyryjysyny oturdyp bolýar. Mundan başga-da, düýbüni goramak üçin tirkeg çekiji prouşinaly ullakan metal plastinka ýasaldy.
Aksessuarlar kapotda hem-de ätiýaçlyk teker we sendtrak berkidilen ekspedisiýa ýükdanynda goýlan goşmaça yşyklandyryşlary öz içine alýar.
Kompaniýa görkezme modelde haýsy hereketlendirijiniň oturdylandygyny anyk aýtmady. Iýun aýynda Toyota-nyň Ýewropa bölüminiň Prado-nyň hereketlendiriji hatarynyň giňeldilendigini mälim etdi. Onuň 16 at güýji bolan elektrik hereketlendirijili 2,8 litrlik dizel esasly gibrid bilen üsti ýetiriler.
