Bugatti kompaniýasy we onuň şweýsariýaly hyzmatdaşy Jacob&Co sagat öýi täze Tourbillon Baguette sagadyny hödürledi. Bu Tourbillon giperkarynyň stilinde döredilen ikinji modeldir. Bu sagatdan bary-ýogy 18 nusga çykarylar, olaryň her biri ýüzlerçe göwher bilen bezeler.
Sagatlaryň korpusy awtomobiliň liniýalaryny gaýtalaýar, siferblat bolsa ulagyň enjam paneliniň stilinde ýerine ýetirildi. Merkezde titan porşen we 22,37 millimetr uzynlykdaky tirsekli wal bilen V16 hereketlendirijisiniň kiçijik nusgasy ýerleşdirildi.
Döredijiler korpusy 18 karat ak altyndan ýasap, ony 328 göwher bilen bezedi. Şeýle-de, bezegde awtomobiliň yzky çyralaryny ýada salýan zolak görnüşinde ýerleşdirilen 18 lagyl ulanyldy. Sagadyň adyndaky Baguette (baget) sözi daşlary taraşlamakda haýsy görnüşiň ulanylandygyny görkezýär.
Bezeg önüminiň bu wersiýasynyň bahasy resmi taýdan aýdylmaýar. Esasy Tourbillon sagatlarynyň bahasy 340 müň dollardan başlaýar, olar 150 nusga bilen çykarylar.
