“Al-Nasr” futbol boýunça Saud Arabystanynyň Superkubogynyň ýarym final oýnunda “Al-Ittihady” utdy. Oýun Gonkongda geçirilip, Kriştianu Ronaldunyň toparynyň peýdasyna 2:1 hasabynda tamamlandy.
Oýunda hasaby 10-njy minutda “Al-Nasryň” hüjümçisi Sadio Mane açdy. 6 minutdan soň “Al-Ittihad” Stewen Bergweýniň goly bilen hasaby deňledi.
Er-Riýadyň klubunyň ýeňiş goluny 61-nji minutda Ronaldunyň topy bermeginde toparyň täze oýunçysy Žoau Feliks geçirdi.
25-nji minutda “Al-Nasr” azlykda galdy: Mane garşydaşynyň derwezebanyna tarap gödek düzgün bozma üçin gyzyl duýduryş aldy.
Finalda Ronaldu we onuň ýoldaşlary “Al-Kadisiýa” – “Al-Ahli” duşuşygynyň ýeňijisi bilen oýnar.
Ozal Pro-liganyň häzirki çempiony “Al-Hilýal” Superkuboga gatnaşmakdan ýüz öwürdi. Munuň sebäbi klubuň ABŞ-da geçirilen Klublaýyn dünýä çempionatyndan soň futbolçylaryň doly dynç almagyny islemegi boldy. Bu ýaryşda klub dörtden bir finala çykypdy. Belläp geçsek, hut “Al-Hilýal” soňky iki Superkubok ýaryşynyň ýeňijisidir.
