15-nji awgustda Montereýdäki Awtoulag hepdeliginiň çäklerinde geçirilýän The Quail: A Motorsports Gathering çäresinde on ýyldan gowrak wagtyň içinde ilkinji gezek Acura NSX Roadster-i görkeziler. Bu awtoulag 2012-nji ýyldaky “Ar alyjylar” filmi üçin ýeke-täk nusgada çykarylyp, ony Toni Stark (Demir adam) sürdi.
Awtoulag Los-Anjelesdäki Acura Design Studio-da dizaýn edildi we Kaliforniýanyň Oksnard şäherindäki Trans FX ussahanasynda ýygnaldy. Esas edilip 1991-nji ýylda çykan, 400 000 kilometrden gowrak ýol geçen Acura NSX alyndy.
Rodster aýna plastikden we gara şepbikden elde ýasalan kuzowy, 18 dýuýmlyk asyl diskleri we oturgyçlary aldy. Ulagda Stark 33 diýlip ýazylan kinematografiki tapawutlandyryş belgisi saklanyp galdy.
Acura rodsteri 2026-njy ýylda auksiona çykarmak we ondan gelen serişdäni bolsa haýyr-sahawat gaznasyna geçirmek isleýär.
The Quail: A Motorsports Gathering-iň çäklerinde Acura NSX-iň 35 ýyllygy bellener. Şeýle hem myhmanlara NSX-R 1995, NSX Zanardi Edition 1999 we markanyň geljekdäki elektrik ulagynyň mümkin bolan dizaýnyny öňünden görkezýän täze Acura RSX konsept-kary görkeziler.
