Britaniýanyň Garagisti kompaniýasy GP1 superkarynyň ilkinji suratlaryny çap etdi. Bu model meşhur hünärmenleriň gatnaşmagynda döredildi: tebigy islegli 6,6 litrlik V12 Italtecnica-nyň inženerleri tarapyndan döredildi we monokok bolsa Formula 1-iň toparlary bilen hyzmatdaşlyk edýän Dexet tarapyndan işlenip düzüldi. Dizaýn Bugatti-Rimac-yň öňki dizaýneri Anhel Guerra tarapyndan işlenip düzüldi.
Şeýle ulaglaryň diňe 25-sini öndürmek meýilleşdirilýär, olaryň hersiniň bahasy 2,45 million funt sterlingden (takmynan 3,3 million dollar) bolar.
Täze modeliň daş görnüşi Lancia Stratos Zero ýaly meşhur “süýnmek” superkarlaryň ewolýusiýasydyr. Şol bir wagtyň özünde daşky görnüşinde häzirki zaman Ferrari-niň we Lamborghini-niň häsiýetli aýratynlyklaryny görmek bolýar.
Interýeri minimalizm stilinde ýerine ýetirilen: displeýler ýok we Porsche Carrera GT-ni ýada salýan inçe merkezi konsoly fiziki düwmeler bilen enjamlaşdyrylandyr.
V12 hereketlendirijisi 800 at güýjüni we 700 Nm torky öndürýär, minutda 9000 aýlaw edýär we alty tizlikli Xtrac dişli gutusy bilen utgaşýar. Ulagyň arassa agramy takmynan bir tonna. Dinamiki häsiýetnamasy entek açylmady.
Sargytlar eýýäm açyldy. Ilkinji 12 alyjy GP1-niň işlenip taýýarlanylyşynyň soňky tapgyrlaryna gatnaşmaga mümkinçilik alar.
