Bugatti niderlandly işewür Mişel Perridonyň ýörite sargydy boýunça döredilen özboluşly Brouillard giperkaryny hödürledi.
Model alýumin elementleri bilen karbon şassisinde guruldy we diňe ýaryş ýollary üçin niýetlenendir. Awtomobil Chiron modeli ýaly kuwwaty 1600 at güýjüne deň bolan dört turbinaly 8 litrlik W16 hereketlendirijisi bilen enjamlaşdyryldy.
Ulagyň daşky görnüşi nal şekilli uly radiator gözenegi, göze ilip duran öňdäki bamper we goşmaça howa ýygnaýjylary bilen yşyk diodly faralar bilen tapawutlanýar. Gapdal taraplarynda C şekilli oýlar we uglerod süýüminden ýasalan detallar bar. Kuzow ýiti ýaşyl reňke boýaldy. Yz tarapynda spoýler, X şekilli çyralar we dört sany gaz çykarýan turba bar.
Interýerde hem ýaşyl öwüşginler bolup, ol Chiron-yň interýerine meňzeýär. Oturgyçlar Parižde sargyt esasynda taýýarlanan gözenek nagyşly mata bilen bezeldi. Dizaýnda uglerod süýümi we alýumin giňden ulanyldy. Elde ýasalan Bruýýar atynyň heýkeli aýratyn ünsi çekýär, ol alýumin hereket geçirijisiniň aýna böleginde ýerleşdirildi.
