Altynyň dekabrdaky fýuçersleriniň bahasy bir troý unsiýasy üçin rekord 3534,1 dollara galdy. Muňa Investing.com portalynyň maglumatlary şaýatlyk edýär.
Aşgabat wagty bilen 18:40-daky ýagdaýa görä, bahalar 1% ýokarlanyp, bir unsiýasy üçin 3488 dollar boldy.
Reuters agentliginiň maglumatlaryna görä, altynyň bahalary ABŞ-nyň gümrük paçlary zerarly durnuksyzlyk hem-de Federal ätiýaçlandyryş ulgamyň esasy goýumlarynyň peseldilmegine bildirilýän umytlar bilen baglylykda, eýýäm ikinji hepde bäri ýokarlanmagyny dowam edýär.
7-nji awgustda Financial Times gazetiniň habar bermegine görä, ABŞ 1 kg agramda ýurda getirilýän altyn tokgalary üçin gümrük paçlaryny girizdi. Bu Şweýsariýadan Amerikanyň Birleşen Ştatlaryna import edilýän esasy harytlaryň biridir.
