Stellantis 2025-nji ýylyň birinji ýarymynda 2,3 milliard ýewro arassa ýitgi çekdi. Bu barada awtoulag öndürijisiniň deslapky ýarym ýyllyk hasabatynda aýdylýar.
Çap edilen maglumatlara görä, hasabat döwrüniň arassa girdejisi, bir ýyl ozalky 85 milliard ýewro bilen deňeşdirilende, 74,3 milliard ýewro boldy. Görkezijileriň peselmegi önümçilik çykdajylarynyň ýokarlanmagy, walýutanyň üýtgemegi we ABŞ-da import nyrhlarynyň täsiri bilen düşündirilýär. Ikinji çärýekde ibermeler 6% azaldy we 1,4 million awtoulag boldy.
Stellantis-iň Jeep, Peugeot, Fiat, Citroen, Chrysler ýaly we beýleki meşhur brendleri bar.
Hasabat kompaniýanyň ýolbaşçylarynyň üýtgemeginiň çäginde çap edildi. Maý aýynda Antonio Filoza baş direktoryň wezipesine bellendi. Ondan öňki Karlos Tawares ABŞ-nyň bazaryndaky girdejileriniň azalmagy we kynçylyklar sebäpli işinden aýryldy.
Stellantis ýylyň birinji ýarymy üçin soňky maliýe netijelerini şu aýyň ahyryna çenli çykarar.
